Eldhuset

Eldhuset
Julemarknad i Kvammegården foto OHB

Om oss i Eldhuset og på Montørstasjonen på Lærdalsøyri

onsdag 28. november 2012

1.&2.desember Julemessehelg i Sogn kunstsenter

Julemessa er også i år i hallen til Sogn kunstsenter / Norsk Villakssenter

Opningstider:
Laurdag 12-17.00
Søndag 14-19.00

Sjå denne lenkja for heile vinterprogrammet for Kulturhuset i Lærdal, fleire arrangement no før jul!

Treng du meir informasjon om julemessa ta kontakt med Karin 95479779 eller send e-post til laerdal.husflidslag@gmail.com

Det er loddsal på Kiwi denne veka!


















Naturlegvis er det morellehjarte på teppet som er ein av gevinstane i år!
 
 
 
Den strikka julekrybba er ein av fjorårets utloddingsgevinstar
- i år er det ei julekrybbe i oliventre frå Betlehem.














Sogn kunstsenter/Norsk Villakssenter/Lærdal Kulturhus
 

mandag 19. november 2012

Julemesse og julelotteri

Julemesse i Sogn kunstsenter opnar laurdag 1.desember klokka 12.00!
 
Også i år er det julelotteri - det vert trukke etter at julemessa er stengd søndag 2.desember
Denne veka er det loddsal på COOP og neste veke på KIWI.
 
Mange fine gevinstar
t.d. strikka julekuler, Julekrybbe i oliventre frå Betlehem og dongerylappeteppe
 
 
 
 

 
 
 

 

lørdag 10. november 2012

Søndagsskule med Anna Margrethe Tråve

Anna Margrethe er lærer på søndagsskulen med toving.
Søndag 18.november.
Det er høve til å kjøpe ull om du ynskjer det.
Matøkt som det plar vere på søndagsskulen i Eldhuset.
Påmelding til Sissel Klunderud 40293079.

fredag 5. oktober 2012

Husk Jorunn, dongeri og neste torsdag 11.oktober





Jorunn rettleier i bruk av dongeri til vesker, puter og tepper

- ta med dongeriklede og gjerne applikasjonsstoff om du har lyst til å prøve det også!

Det gjer ikkje noko om du gjev Jorunn beskjed om du kjem

- men du må gjerne kome utan å ha gjort det

- du kan ta med symaskina di om du ynskjer det,
elles har lager fleire maskiner du kan nytte.

onsdag 3. oktober 2012

Den nye brurekrona til Lærdal og Borgund bygdekvinnelag


lLærdalsmarknaden vart brurekrona som var ferdig 25.september presentert.
Her er artiklane på verdsvevsida til Porten - høvesvis  fredag, laurdag og søndag,
og her i Sogn avis på måndag.redhttp://www.porten.no/eway/default.aspx?pid=254&trg=Nede_6142&Main_6122=6142:0:&Nede_6142=6128:99671::0:6143:16:::0:0http://www.porten.no/eway/default.aspx?pid=254&trg=Nede_6142&Main_6122=6142:0:&Nede_6142=6128:99671::0:6143:16:::0:0ag,
På biletet er tidlegare ordførar Olav Wendelbo sr. og Siri Bjerknes,
ei av jentene frå "Gøy på landet"-serien.
 
 






















Bygdekvinnelaga ønskte at det skulle vere ei brurekrone i bygda - og har arbeidd med det i 10 år.

 
 
Prosjektgruppa har vore Kjellrunn Nesse frå Borgund bygdekvinnelag, Anne Sofie Natvik Henriksen og Kari Hjermann frå Lærdal bygdekvinnelag og Jorunn Hunderi som syr bunader.

Gruppa har vore på De Heibergske samlinger på Kaupanger og til Årdal for å sjå kronene der.
Ei brurekrone frå Lærdal kan vere reist til Amerika, men har ikkje vore mogeleg å spore opp.
Eldre bryllaupsbilete viser at det som helst var nytta var
ein slags blomekrans av stoff som vart knytt rundt hovudet.

Her er ein artikkel frå Magsinet Bunad om brurekroner frå Indre Sogn

Bygdekvinnelaga var samde om at krona ikkje skulle vere tung og den skulle ha motiv frå Lærdal.
 
 
I samarbeid med dei som skulle lage krona, har den fått mønster frå gamle Hauge kyrkje og eit ansikt frå Husum-beltet på leddstolpane.

Bygdekvinnelaga fortel at dei har hatt eit veldig godt samarbeid med
Knut Mykkeltvedt frå Fjordsylv i Vik som hatt ansvaret for å lage krona.

Brurekrona er finansiert gjennom bygdekvinnelaga sitt dugnadsarbeid med den tradisjonsfyllte koking og sal av rømmegraut på Lærdalsmarknaden,
Gåveinstituttet til Indre Sogn Sparebank, Borgund husflidslag, Lærdal husflidslag, Lærdal og Borgund Bondelag, Tønjum grendalag, Lærdal kommune, Østfold energi og ein privatperson bidrege. 

Drakta som Siri har på seg, er sydd av Jorunn Hunderi.
Det er ein kopi av ei gamal drakt frå ei brur i Lærdal.

Olav sin sognebunad vart sydd av Hanne Smedegård til 2000 årsjubileet.

Bygdekvinnelaga vil leige ut bryllaupsstasen til dei som skal gifte seg.
Den første som giftar seg i den, vil få leige den gratis.

mandag 24. september 2012

Hardt arbeid er på gang til julelotteriet!

 
Inntektene til husflidslaget,
er i all hovedsak frå dei to lotteria knytt til Lærdalsmarknaden og til Julemessa.
Planarbeidet er sett i gang, -
har du gevinstar du ynskjer å gje eller vil du ta del i arbeidet med å lage fleire gevinstar,
er det berre å ta kontakt i Eldhuset under Haustmarknaden eller direkte til lotterinemnda.   

lørdag 15. september 2012

Ivana-dukkene frå Lærdal
















Vi er i gang med å ta bilete av Ivana-dukkene vi laga på kurs med Ivana i vår.
Først ute på fotosession på torsdagen var Jorunn og Bente sine dukker.
Vi veit at det er fleire som er ferdige -
så det vert nok meir bilete etter kvart.
 
Det er 4 som har meldt seg til å vere med på å saume lappeteppe til utlodninga på Julemessa.
Medlemmer og andre i Lærdal -
gjer vel og meld deg
Er vi mange
vert det berre litt på kvar!
 


onsdag 12. september 2012

Aktivitetsplan hausten 2012


Styret ynskjer vel møtt til ein hyggeleg husflidshaust.

11. oktober kl. 18.00-21.00 Sying med dongeri
  • Jorunn Hatlevoll rettleiar i å lage teppe/pute/veske
  • Ta med kle/stoff av dongeri, det du har.
  • Noko anna stoff som høver til applikasjon, dersom du vil ha det.

18.november kl 10-17.00  Søndagsskule med toving.
  • Anna Margrethe Tråve viser korleis tove sitjeunderlag, gryteklutar og pulsvarmarar.
  • Ull vert å få kjøpt
  • Mat
  • Påmelding til Sissel Klunderud tlf 40293079                                            
6.desember kl 18.-20.00 Glasing av englar i kunstglas
  • Gerd Skalle viser teknikken

Vevinga held til i Montørstasjonen - ta kontakt med Torbjørg Takle tlf 57666372

Julemesse 1.-2.desember i Lærdal kulturhus og julegateopning
  • Nærare informasjon kjem
  • Julelotteri
Juleavslutning 13.desember  enkel servering og hygeleg prat.




fredag 4. mai 2012

AVLYST - Søndagsskule med Ivana - elefantdukke!









Kurset er diverre avlyst!
Førstkomande søndag 6.mai er det søndagsskule frå 10-tida til 18-tida i Eldhuset med matpause.
Prisen for materialpakken er kr. 150,-

Kurset er ikkje fullt - det vert helde uansett.
Kurset har vore utlyst på FB - men har ikkje vore omtala her.
Ta kontakt med BenteO for meir informasjon.

mandag 19. mars 2012

Aktivitetsplanen 1.halvår 2012

Me held fram med å ha sykveldar måndagar frå kl 18.00, og ope hus med ulike aktivitetar kvar torsdag frå kl. 18.00 og utover.


Torsdag 22. mars: Nålefilting/toving av påskeegg/påskepynt.
Inga påmelding, møt opp om du ønskjer å vera med.


Tysdag 10. april: Strikkekafe - der Anne Kari, Ingrid og Bente også lærer bort tvibandstrikking. Kl. 18.00 - kom gjerne seinare om det høver best slik!
Ta med ditt eige strikkarbeid.
Ta gjerne med tynne pinnar og ullgarn - vi tek med rikeleg så det er ikkje noko du må.

Kaffi/te og god kake.


15. april. Søndagsskule: Sying av dokker. Ivana som bur i Årdal  viser korleis ein syr slike dokker som vart selde på julemessa.
Ta med saks, blyant, synåler, knappenåler og kvit og brun tråd.
Ho har med seg stoffpakker a kr 100 som ein kan få kjøpt,
eller ein kan bruka eige stoff.
Med dei ferdiglaga stoffpakkane vert dukkene raskare ferdig.
Pris: Opplysning om dette får du ved påmelding.
Tidsrom: Frå kl. 10.00 – 17.00. Matøkt.
Påmelding til Sissel Klunderud, tlf. 40293079


Torsdag: 26. april: Glasing/ måling på glas med Gerd Skalle som lærar.
Inga påmelding, møt opp om du ønskjer å vera med.


Torsdag 25. mai: Sommaravslutning og planlegging av marknad.


Lædalsmarknaden 2012 vert i år i helga 15. -17. juni.

Me vil ha butikk og kafe i Eldhuset.

Vårt tradisjonelle marknadslotteri vert halde også i år, og me vil satse på loddblokker denne gongen og.
Loddblokkene vil bli utsende til medlemmene i april/mai og laget håpar alle er viljuge til å selja. Husflidslaget ønskjer som før husflidsprodukt til gevinstar og vonar medlemmen vil bidra.

Om nokon av medlemmene ønskjer å vera med på veving kan dei kontakte Torbjørg Takle på mobil 94820087

God handarbeidsvår!!
Styret. 

onsdag 7. mars 2012

Lærdalsvotten frå 1787 på Handarbeidskafe på De Heibergske samlinger


NB! sjekk siste nytt om den komande strikkekafeen i Eldhuset nederst på dette blogginnlegget!




Lærdalsvotten frå 1787

Årdal husflidslag har følgande pressemelding på verdsvevsida si:

“Handarbeidskafe på museet om tvebandstrikking.
Sogn Bunadnettverk arrangerer onsdag 14 mars klokka 19 handarbeidskafé på De Heibergske samlinger - Sogn Folkemuseum. Da skal vi øve på tvebandstrikking eller totrådbinding. Denne gamle strikketeknikken med to trådar gir varme og slitesterke plagg. Dei som vil læra må ta med seg ullgarn i to fargar og tunne strikkepinnar.
Sogn Bunadnettverk har som mål at fleire skal strikke ”Lærdalsvotten”. Votten frå 1787 er den eldste norske votten i denne type tvebandstrikk, og har sidan 1877 vore i samlingane til Nordiska museet i Stockholm. Den har vakkert farga broderi på handflata og flossa krage med rutemønster.
På handarbeidskaféen vil Bjørg Hovland gi ei innføring i tvebandstrikking og syne nokre døme på bruk. Vi finn lite av teknikken i museet sine samlingar. Om nokon har døme heime ta dei gjerne med på møtet.
Det vert utlodding, open museumsbutikk og servert kaffe, te og kaker i kaféen. Det er gratis inngang og alle er velkomne.”

Desse kveldane på museet er alltid så inspirerande og trivelege. Sogn bunadnettverk gjer ein flott jobb for alle husflidsinteresserte i indre strok. Møt opp!

Heilt samd med Marianne sin siste kommentar,
synest husflidslaget i Lærdal bør vere svært godt representert på handarbeidskafeen - med så mange flinke strikkarar som laget har! - og dei fleste kjenner strikkarar som ikkje er medlem av laget!
Samkøyring kan vere ein god ide!
Kaffien og kakene er alltid gode!




På veg heim frå De Heibergske vart det bestemt at det skulle vere:

Strikkekafe i Eldhuset

10.april - første tysdag etter påske

klokka 18.00 - høver det best å kome i 7-tida så går det også bra! 

Vi lærer teknikken vidare - har du noko eksempel på tvebandstrikking er det berre å ta med dette!

To fargar garn og tynne pinnar kan du gjerne ta med,-
då kan du jo ta med fargar som høver til deg til ein mobilvott!

Ta gjerne med ditt eige strikkarbeid også.

Det er alltid kaffi/te og kjeks å få i Eldhuset - denne gongen vert det kake også -
om du har lyst å seie i frå på førehand er det ekstra greitt.
Vi er også på Facebook - der kjem iallefall nyhendene og påminningane!

tirsdag 6. mars 2012

Gåver - Disken frå Oddebui og Teppe til glede-aksjonen

Dei fire buene i Øyragata : Hellandbui - Oddebui - Ulvikbui - Lindstrømbui


Husflidslaget har fått eit stor gåve - ein ny kjøpmannsdisk
- den har vore i Oddebui - den rosa av dei fire buene i Øyragata.
Bileta er tekne i april 2008 medan Øyrastova framleis heldt til i Oddebui.

Her er Nrk sitt fylkesleksikon med meir om historia til Oddebui og eigarane.

Gjevaren visste at den hadde stått i ei av buene -
fleire av karane som bar disken inn i Eldhuset hadde handla Donald over denne disken!

Ein kjøpmannsdisk på nærare 2,5 meter tek stor plass i lagshuset,
men no har laget disk til bruk når Eldhuset er butikk,
lang arbeidsbenk og lagerplass for uendeleg mykje!


Her er teppet som skal sendast via Årdal quiltelag til Arna Quiltelag plassert på disken.
På denne verdsvevsida fortel laget historia om aksjonen som starta i Bergen i 2001.


                         




Dette er ein ”bli-bra-quilt ”                  

          frå Lærdal husflidslag.

     Me håpar den virkar!!!            




Her er lenkja til blogginnlegget frå søndagsskulen i september.
Teppet skulle ha vore ferdig til årsmøtet, det vart ikkje tid nok til det
men lova på årsmøtet at det skulle leggast ut på verdsvevsida.
No er teppet og puta vaska i vaskemaskina og tørketromla -
så no er det klart!

Sidan det allereie er veldig mange lenkjer i innlegget,-
her er lenkja til utgangspunktet for søndagsskulen; - Flygande gjess utan svinn !!!

Det vert nok fleire tepper til aksjonen frå Lærdal husflidslag -
ikkje usannsynleg at det vert guteteppe neste gong!
Tepper til glede-aksjonen - si verdsvevside viser alle teppa som har vorte laga til barn på Haukeland
- 1041 (eit tusen og førtien!) tepper er registrert til dags dato!
Her er ein omtale på Helse Bergen sin verdsvevside.

Putetrekket til teppet - eit resultat av at det var 2 stjerner til som vart sydd på søndagsskulen.
Med to handtak på innsida av putetrekket, kan teppet berast med på tur.

mandag 5. mars 2012

Lær å lage Ivana sine dukker på søndagsskule 15.april


Ivana vert lærar på søndagsskulen i april -
meir informasjon kjem etterkvart.
Dersom du allereie veit at du vil delta;
 - send melding på laerdal.husflidslag@gmail.com
eller til einkvan i styret.


Her er det rikeleg høve til å lage dukker med eigne fargeynskje og uttrykk!







søndag 19. februar 2012

Årsmøtet - styret skal ha meldingane innan i morgon!

Årsmøte 27.februar kl 19.00 på Kvammes.

1.-7.Vanlege årsmøtesaker
8.Val
9.Val av arbeids- og ansvarsgrupper
10.Arbeids- og aktivitetsplan

11.Innkomne saker

Styret oppfordrar medlemmane til å kome med ynskje om aktivitetar i 2012.
Innkomne saker må vere styret i hende innan 20.februar 2012.

Servering og utlodding, ta med gevinst til utloddinga.

Vel møtt!

onsdag 8. februar 2012

Årsmøte 27.februar kl 19.00 på Kvammes kafe




Innkalling til årsmøte for 2011

Til medlemmane i Lærdal husflidslag

Det vert halde årsmøte i laget den 27.februar 2012 kl 19.00 på Kvammes kafe.
1.-7.Vanlege årsmøtesaker
8.Val
9.Val av arbeids- og ansvarsgrupper
10.Arbeids- og aktivitetsplan
11.Innkomne saker

Styret oppfordrar medlemmane til å kome med ynskje om aktivitetar i 2012
.
Innkomne saker må vere styret i hende innan 20.februar 2012.

Det vert servering og utlodding.
Ta med ein gevinst til utloddinga.
Vel møtt!
Helsing styret i Lærdal husflidslag

torsdag 2. februar 2012

Årsmøte 27. februar 19.00 på Kvammes

Det vert årsmøte siste måndag i februar - meir info kjem!